ఆరేళ్ల చిన్నారిని కాపాడిన ర్యాపిడో డ్రైవర్

హైదరాబాద్‌లో ఆరేళ్ల చిన్నారిని అత్యాచారయత్నం నుంచి ర్యాపిడో డ్రైవర్ కాపాడాడు. ఎర్రిమంజిల్‌ వద్ద కస్టమర్ కోసం అతడు ఎదురుచూస్తున్నాడు. ఈ క్రమంలో చిన్నారి ఏడ్చినట్లు వినిపించింది. అక్కడికి వెళ్లి చూడగా ఓ వ్యక్తి ఆమెపై అత్యాచారానికి ఒడిగడుతున్నట్లు కనిపించింది. అతడిని ఆపి ఎవరని ప్రశ్నించగా బాలిక తండ్రినంటూ దబాయించే ప్రయత్నం చేశాడు. కానీ, అనుమానంతో పోలీసులకు ఫోన్ చేయడంతో ఘటనాస్థలికి వెళ్లి నిందితుడిని అరెస్ట్ చేశారు. బాలికను సురక్షితంగా తల్లికి అప్పగించారు.