‘ఆహా’లో ప్రసారం కానున్న బాలయ్య, పవన్ కళ్యాణ్ అన్‌స్టాపబుల్ షో ఎపిసోడ్‌పై ఫ్యాన్స్ ఉత్కంఠగా ఎదురు చూస్తున్నారు. ఇదివరకే విడుదలైన టీజర్‌కి భారీగా స్పందన లభించింది. అయితే, ఫ్యాన్స్‌కి గుడ్‌న్యూస్ చెబుతూ ఆహా కీలక ప్రకటన చేసింది. ఒకరోజు ముందుగానే పవర్ ఎపిసోడ్‌ని ప్రసారం చేయనున్నట్లు వెల్లడించింది. ఫిబ్రవరి 2న ఈ ఎపిసోడ్ స్ట్రీమింగ్ కానుంది. తొలుత ఫిబ్రవరి 3న ఎపిసోడ్‌ని విడుదల చేయాలని భావించింది. ఫ్యాన్స్ ఆసక్తి, కోరిక మేరకు ఆహా ఒక రోజు ముందుకు జరిపింది.

బాలయ్య, పవన్ కళ్యాణ్ ఎపిసోడ్ ప్రోమో యూట్యూబ్‌లో దూసుకెళ్తోంది. ప్రస్తుతం ఈ ప్రోమో టాప్ ప్లేసులో ట్రెండ్ అవుతోంది. ప్రోమో విడుదలైన 18 గంటల్లోనే 3మిలియన్లకు పైగా వ్యూస్ వచ్చాయి. ఈ ఎపిసోడ్‌ పార్ట్ 1ని ఫిబ్రవరి 3న ఆహాలో స్ట్రీమింగ్ చేయనున్నారు. ఈ ప్రోమోలో పవన్ కళ్యాణ్ వ్యక్తిగత విషయాల గురించి బాలయ్య ఆరా తీశారు. త్రివిక్రమ్‌తో స్నేహం, చరణ్ పెంపకం వంటివాటి గురించి పవన్ సరదాగా ఆన్సర్ చేశారు.