ఒక రోజు ముందుగానే బాలయ్య, పవన్ ఎపిసోడ్

‘ఆహా’లో ప్రసారం కానున్న బాలయ్య, పవన్ కళ్యాణ్ అన్‌స్టాపబుల్ షో ఎపిసోడ్‌పై ఫ్యాన్స్ ఉత్కంఠగా ఎదురు చూస్తున్నారు. ఇదివరకే విడుదలైన టీజర్‌కి భారీగా స్పందన లభించింది. అయితే, ఫ్యాన్స్‌కి గుడ్‌న్యూస్ చెబుతూ ఆహా కీలక ప్రకటన చేసింది. ఒకరోజు ముందుగానే పవర్ ఎపిసోడ్‌ని ప్రసారం చేయనున్నట్లు వెల్లడించింది. ఫిబ్రవరి 2న ఈ ఎపిసోడ్ స్ట్రీమింగ్ కానుంది. తొలుత ఫిబ్రవరి 3న ఎపిసోడ్‌ని విడుదల చేయాలని భావించింది. ఫ్యాన్స్ ఆసక్తి, కోరిక మేరకు ఆహా ఒక రోజు ముందుకు జరిపింది.