కళాతపస్వి కె. విశ్వనాథ్ పరమపదించడం పట్ల ప్రధాని నరేంద్ర మోదీ సంతాపం వ్యక్తం చేశారు. “ కె. విశ్వనాథ్‌ గారి మరణం కలచివేసింది. సినిమా ప్రపంచానికి ఆయన మూలస్తంభం లాంటివారు. ఆయన సినిమాలు ఎన్నో అంశాలను స్పృశిస్తూ దశాబ్దాల పాటు ప్రేక్షకులను అలరించాయి. ఆయన కుటుంబానికి నా ప్రగాఢ సానుభూతి. ఓం శాంతి” అంటూ ప్రధాని నివాళి తెలియజేశారు.

సుప్రీంకోర్టు తీర్పులను ప్రాంతీయ భాషల్లో అందుబాటులోకిి తీసుకురావాలని సీజేఐ డీవై చంద్రచూడ్‌ చేసిన వ్యాఖ్యలపై ప్రధాని స్పందించారు. “ ఇటీవల ఓ కార్యక్రమంలో ప్రధాన న్యాయమూర్తి సర్వోన్నత న్యాయస్థానం తీర్పులు ప్రాంతీయ భాషలో రావాలని అన్నారు. ఇందుకోసం సాంకేతిక ఉపయోగించాలని సూచించారు. ఇదొక అద్భుతమైన ఆలోచన. చాలా మందికి ఉపయోగపడుతుంది. ముఖ్యంగా యువతకు ప్రయోజనం “ అని ట్వీట్ చేశారు.