మెగాస్టార్‌ చిరంజీవి ఎవ్వరి గురించి నెగటివ్‌గా మాట్లాడటం తాను ఇంతవరకు చూడలేదని మాస్‌ మహారాజ రవితేజ చెప్పారు. “ నేను చిన్నప్పట్నుంచే చిరు అభిమానిని. అన్నయ్యను చూడటం మానేసి, ఆయన పక్కన కూర్చుంటానని స్నేహితులకు మాట ఇచ్చాను. అది నిజం అయ్యింది. అన్నయ్య ఏ ఒక్కరి గురించి నెగటివ్‌గా మాట్లాడటం నేను వినలేదు. ఏదైనా బాధ ఉన్నా ఆయన బయటకు కనపడనివ్వరు. వాల్తేరు వీరయ్య సినిమాతో బాబీ నెక్ట్స్ లెవల్‌కు వెళ్తాడు. సినిమా బ్లాక్‌ బస్టర్‌” అన్నారు.

మెగాస్టార్‌ చిరంజీవి నటించిన వాల్తేరు వీరయ్య ప్రీ రిలీజ్‌ ఈవెంట్‌ విశాఖలో ఘనంగా జరుగుతోంది. ఆంధ్రా యూనివర్సిటీలో కార్యక్రమానికి అభిమానులు పెద్ద సంఖ్యలో తరలివచ్చారు. చిరంజీవి, మాస్‌ మహారాజా రవితేజ ఇద్దరు కలిసి వేడుకకు హాజరయ్యారు. శృతిహాసన్‌కు అనారోగ్యం కారణంగా రాలేదని తెలుస్తోంది. చిత్రానికి బాబి దర్శకత్వం వహించగా…దేవీ శ్రీ ప్రసాద్‌ సంగీతం అందించారు. జనవరి 13న సినిమాను సంక్రాంతి కానుకగా విడుదల చేస్తున్నారు.