MIM అధినేత అసదుద్దీన్ ఓవైసికి టీ-బీజేపీ చీఫ్ బండి సంజయ్ సవాలు విసిరారు. దమ్ముంటే అసదుద్దీన్ ఓవైసి తెలంగాణలోని 119 స్థానాల్లో పోటీ చేయాలని సవాలు విసిరారు. అప్పుడు చూద్దాం ఎన్ని స్థానాల్లో డిపాజిట్లు వస్తాయోనని ఎద్దేవా చేశారు. ప్రతిసారి బీజేపీపై విమర్శలు గుప్పించడం కాదని ఎంఐఎం సత్తా ఏంటో నిరూపించుకోవాలన్నారు. మతవిద్వేశాలు రెచ్చగొట్టే విధంగా వ్యాఖ్యలు చేసేది MIM నేతలేనని ఆరోపించారు.
బీజేపీ కార్యకర్తపై మాజీ మంత్రి బాబుమోహన్ తీవ్రస్థాయిలో మండిపడ్డారు.మీతో కలిసి పార్టీలో పనిచేస్తానని బాబుమోహన్‌కు కార్యకర్త ఫోన్ చేయగా..’నువ్వెంత నీ బతుకెంత అంటూ కార్యకర్తను బాబుమోహన్ తిట్టారు. నేను ప్రపంచస్థాయి నాయకుడినంటూ కార్యకర్తపై బాబుమోహన్ తిట్లపురాణం మొదలుపెట్టారు.మరోసారి నాకు ఫోన్ చేస్తే చెప్పుతో కొడతానంటూ కార్యకర్తను బెదిరించారు. బండి సంజయ్ ఎవడ్రా, వాడు నా తమ్ముడని వ్యాఖ్యానించారు. అవసరమైతే రేపే బీజేపీకి రాజీనామా చేస్తానని చెప్పుకొచ్చారు. నువ్వు కావాలో, నేను కావాలో పార్టీ తేల్చుకుంటుంది’ అని బాబుమోహన్ కామెంట్స్ చేశారు.
భాజపా రాష్ట్ర అధ్యక్షుడు బండి సంజయ్ వచ్చే ఎన్నికల్లో MLAగా పోటీ చేసే స్థానం దాదాపు ఖరారు అయినట్లు తెలుస్తోంది. వేములవాడ నుంచి బరిలోకి దిగుతారని ప్రచారం జరిగినా… సంజయ్ కరీంనగర్ వైపు మెుగ్గు చూపుతున్నారు. ఇప్పటికే సమయం దొరికినప్పుడల్లా మకాం వేసి క్యాడర్‌తో చర్చిస్తున్నారు. గత ఎన్నకల్లోనూ మంత్రి గంగుల కమలాకర్‌పై కరీంనగర్ నుంచి పోటీ చేసి ఓడిపోయారు. తర్వాత ఎంపీగా గెలవటంతో అక్కడ్నుంచి నిలబడితే సెంటిమెంట్ కలిసి వస్తుందని భావిస్తున్నారు.
అసెంబ్లీకి గవర్నర్‌ను ఆహ్వానించకపోవటం దారుణమని భాజపా రాష్ట్ర అధ్యక్షుడు బండి సంజయ్ ఆరోపించారు. తెలంగాణ ప్రభుత్వ తీరుపై విమర్శలు గుప్పించారు. శాసనసభలో గవర్నర్ స్పీచ్ ఎందుకు పెట్టాలనుకోలేదని నిలదీశారు. బడ్జెట్ ప్రతులకు ఆమోదం తెలపకపోవటంతో ఎమ్మెల్సీ పల్లా రాజేశ్వర్ రెడ్డి తమిళిసైపై విమర్శలు చేశారు. దీనికి బండి సంజయ్ కౌంటర్ ఇచ్చారు. అయితే.. ఈ విషయంపై ప్రభుత్వం హైకోర్టుకు వెళ్లగా.. న్యాయవాదుల పరస్పర అంగీకారంతో విషయం సద్దుమణిగింది.
TS: సీఎం కేసీఆర్‌పై బీజేపీ రాష్ట్ర అధ్యక్షుడు బండి సంజయ్ మరోసారి విమర్శలు గుప్పించారు. కేసీఆర్‌కు ఇదే చివరి అవకాశం అంటూ బండి సంజయ్ హెచ్చరించారు. బడ్జెట్‌లో ఇచ్చిన హామీలన్నింటికీ నిధులు కేటాయించాలని ఆయన డిమాండ్ చేశారు. అతిపెద్ద నాగోబా జాతరను ప్రభుత్వం విస్మరించిందని సంజయ్ ఆరోపించారు. గిరిజనులంటేనే కేసీఆర్‌కు చులకన అని విమర్శించారు. బీజేపీ అధికారంలోకి వచ్చాక నాగోబా జాతరను ఘనంగా నిర్వహిస్తామని బండి సంజయ్ ప్రకటించారు. కాగా, ఈ నెల 22న కేంద్రమంత్రి అర్జున్ ముండాతో కలిసి బండి సంజయ్ నాగోబా … Read more
త్వరలో జరగబోయే అసెంబ్లీ సమావేశాలు కేసీఆర్‌కు చివరివని భాజపా రాష్ట్ర అధ్యక్షుడు బండి సంజయ్ అన్నారు. ఆదిలాబాద్‌ జిల్లా ఇంద్రవెల్లి మండలం కేస్లాపూర్‌లో జరుగుతున్న నాగోబా జాతరలో పాల్గొన్నారు. కేంద్రమంత్రి అర్జున్ ముండాతో కలిసి వెళ్లారు. కేసీఆర్ ఇప్పటివరకు ఎన్నికల హామీలు నెరవేర్చలేదని… తక్షణమే ప్రతి ఒక్కటి అమలు చేయాలని డిమాండ్ చేశారు. భాజపా నేతలను ఇబ్బందులకు గురి చేయడమే లక్ష్యంగా పెట్టుకున్నారని ఆరోపించారు.
ఖమ్మంలో జరిగిన బీఆర్ఎస్ సభ అట్టర్ ఫ్లాప్ అయిందని తెలంగాణ బీజేపీ అధ్యక్షుడు బండి సంజయ్ విమర్శించారు. సభకు తెలంగాణ ప్రజలు ఎవరూ వెళ్లలేదని.. అందరూ హైదరాబాద్‌లో జరిగిన క్రికెట్ మ్యాచ్ చూశారని చెప్పారు. సభకు వచ్చిన జాతీయ నేతలకు వారెందుకు వచ్చారో కూడా తెలియదని ఎద్దేవా చేశారు. ఒకరు కంటివెలుగు కార్యక్రమం చూడటానికి వచ్చామని.. మరొకరు యాదాద్రి చూడటానికి వచ్చామని.. ఇంకొకరు బహిరంగ సభకు రాలేదని చెప్పినట్లు తెలిపారు.
బీఆర్ఎస్ ఆవిర్భావ సభపై టీబీజేపీ చీఫ్ బండి సంజయ్ ఆగ్రహం వ్యక్తం చేశారు. గోదావరిలో ఉన్న నీటి లభ్యతను వాడుకోలేని కేసీఆర్ దేశంలోని నీటి లభ్యత గురించి మాట్లాడటం విడ్డూరంగా ఉందన్నారు. ‘అగ్నిపథ్ నియామకాలపై మాట్లాడే హక్కు సీఎంకు లేదు. అగ్నిపథ్ ఆలోచన బిపిన్ రావత్ ఆలోచన. ఆయనకంటే ఎక్కువ తెలుసా? గతంలో కేసీఆర్‌కు మద్దతు తెలిపిన కుమారస్వామి, నితీశ్ కుమార్‌లు ఎక్కడ? ఒకసారి వచ్చిన నేతలు మళ్లీ కేసీఆర్‌తో కలవడానికి రారు. కేజ్రీవాల్, పినరయి విజయన్ కూడా అంతే’ అంటూ ఎద్దేవా చేశారు.
తోటి విద్యార్థిపై దాడిచేసిన కేసులో టీబీజేపీ అధ్యక్షుడు బండి సంజయ్ కుమారుడు భగీరథ్‌పై కేసు నమోదైన సంగతి తెలిసిందే. మహీంద్రా యూనివర్సిటీలో విద్యార్థి శ్రీరామ్‌ని దూషిస్తూ భగీరథ్ చేయి చేసుకున్నాడు. తాజాగా, భగీరథ్ ప్రవర్తనపై డైరెక్టర్ రామ్‌గోపాల్ వర్మ స్పందించాడు. భగీరథ్‌ని ఇరాక్ నియంత సద్దామ్ హుస్సేన్ కుమారుడితో పోల్చాడు. ‘అప్పట్లో ఇరాక్ డిక్టేటర్ సద్దామ్ హుస్సేన్ కుమారుడు ఉదయ్ హుస్సేన్ రోజులు ఐపోయాయి. ఇప్పుడు అదే ఉదయ్ హుస్సేన్‌గా బండి సంజయ్ కుమారుడు భగీరథ్ అవతరించాడు. కొడుకుగా తండ్రికి చెడ్డపేరు తెచ్చాడు’ అంటూ … Read more
TS: సీఎం కేసీఆర్‌కు బీజేపీ రాష్ట్ర అధ్యక్షుడు బండి సంజయ్ లేఖ రాశారు. పే రివిజన్ కమిషన్‌(పీఆర్‌సీ)ని ఏర్పాటు చేయాలని లేఖలో సంజయ్ పేర్కొన్నారు. ప్రతి నెల 1న ఉద్యోగులకు జీతాలు చెల్లించకుండా ప్రభుత్వం తాత్సారం చేస్తుందని ఆయన ఆరోపించారు. స్వరాష్ట్రంలో ఉద్యోగులు, ఉపాధ్యాయుల హక్కులను కాపాడాల్సింది పోయి ప్రభుత్వం కాలరాస్తోందని సంజయ్ విమర్శించారు. నూతన పీఆర్‌సీని ఏర్పాటు చేసి పెరిగిన ధరలకు అనుగుణంగా వేతనాలు పెంచాలని బీజేపీ అధ్యక్షుడు డిమాండ్ చేశారు. లేనిపక్షంలో ఉపాధ్యాయులు, ఉద్యోగుల పక్షాన పోరాటం చేస్తామని స్పష్టం చేశారు.
@2021 KTree