రద్దీ రోడ్డుపై కూలిన ఐరన్‌ పిల్లర్

కర్ణాటక హుబ్బలిలో పెను ప్రమాదం తప్పింది. రైల్వే అండర్‌ బ్రిడ్జ్‌ వద్ద ఏర్పాటు చేసిన ఐరన్‌ పిల్లర్ రద్దీ రోడ్డుపై ఒక్కసారిగా కుప్పకూలింది. అయితే ఏ వాహనంపై ‌అది పడకపోవడంతో ముప్పు తప్పింది. ఇందుకు సంబంధించిన దృశ్యాలు సీసీటీవీలో రికార్డయ్యాయి. ఇటీవలే పలు వాహనాలు ఈ ఐరన్ పిల్లర్‌ను ఢీ కొట్టడంతో అది బలహీనపడిందని రైల్వే అధికారులు తెలిపారు. దీంతోపాటు వాహనాల రాకపోకల సందర్భంగా పిల్లర్ వైబ్రేషన్‌కు గురై మరింత బలహీనంగా మారినట్లు చెప్పారు.