ట్రైనర్‌పై తిరగబడిన పెద్ద పులి; వీడియో వైరల్

ఓ సర్కస్‌లో పెద్ద పులి ఉన్నట్టుండి తన ట్రైనర్‌పై దాడికి దిగింది. ఈ ఘటన ఇటలీలోని మెరీనా ఓర్ఫీ సర్కస్‌లో చోటు చేసుకుంది. ఇవాన్ ఓర్ఫీ అనే ట్రైనర్ రెండు పులులతో ప్రదర్శన ఇస్తున్నాడు. ఇంతలో ఓ పులి వెనక నుంచి వచ్చి అతనిపైకి దాడికి దిగింది. అతని మెడ, కాళ్లను కొరికి వేసింది. భయంతో అతడు కేకలు వేయగా మరో ట్రైనర్ వచ్చి ఆ పులి బారి నుంచి కాపాడాడు. ఈ ఘటనలో ఇవాన్‌కు తీవ్ర గాయాలయ్యాయి. ఇందుకు సంబంధించిన [వీడియో](url) సోషల్ మీడియాలో వైరల్‌గా మారింది.