110 కి.మీ వేగంతో రైలు; కింద పడ్డ వ్యక్తి

యూపీలోని షాజహాన్‌పుర్‌ రైల్వేస్టేషనులో 110 కిలోమీటర్ల వేగంతో వెళ్తున్న రైలు నుంచి ఓ ప్రయాణికుడు జారిపడ్డాడు. సుమారు వంద మీటర్ల మేర ప్లాట్‌ఫాం మీద జారుతూ రైలుతోపాటు ముందుకు వెళ్లాడు. ఈ దృశ్యాలు రైల్వేస్టేషనులోని సీసీటీవీ కెమెరాలో రికార్డయ్యాయి. ఎట్టకేలకు ఆ యువకుడు సురక్షితంగా బయటపడటంతో ప్రయాణికులంతా ఊపిరి పీల్చుకున్నారు. అయితే అతడికి చిన్నగాయం కూడా కాకపోవడం విశేషం. ఈ ఘటన అనంతరం అతడు లేచి నిలబడిన దృశ్యాలు వైరల్‌గా మారాయి.