ఆకాశంలో అద్భుత దృశ్యం ఆవిష్కృతం

దేశ రాజధాని ఢిల్లీలో అద్భుత దృశ్యం ఆవిష్కృతమైంది. ఇవాళ సాయంత్రం సూర్యుడు చుట్టు ఓ రంగురంగుల వలయం ఏర్పడింది. ఇంద్రధనస్సును పోలిన ఈ వలయం ఢిల్లీ వాసులను ఎంతగానో ఆకట్టుకుంది. ఇందుకు సంబంధించిన వీడియో నెట్టింట వైరల్‌గా మారింది. మేఘాల్లోని మంచు స్పటికాల గుండా సూర్యకిరణాలు వంగి ప్రయాణించినప్పుడు ఇలాంటి వలయాలు ఏర్పడతాయని శాస్త్రవేత్తలు తెలిపారు. భూమికి 8 నుంచి 10 కిలోమీటర్ల ఎత్తులో ఇలాంటి వలయాలు ఏర్పడుతాయని చెప్పారు.