మరో బాలుడిపై వీధికుక్క దాడి

హైదరాబాద్‌లో మరోసారి వీధికుక్కలు రెచ్చిపోయాయి. ఓ బాలుడిపై దాడి చేసి చెవి కొరికాయి. టపాచబుత్రకు చెందిన ఓ మహళ తన కుమారుడితో కలసి వీధిలో నడచి వెళ్తోంది. ఈ క్రమంలో వెనుక నడిచి వస్తున్న పిల్లాడిపై ఓ వీధికుక్క అకస్మాత్తుగా దాడి చేసింది. ఆ చిన్నారి చెవిని కొరికివేసింది. వెంటనే అప్రమత్తమైన బాలుడి తల్లి కుక్కను తరిమివేసింది. వెంటనే బాలుడిని ఆస్పత్రిలో చేర్పించారు. ఆ బాలుడి సర్జరీకి రూ.3 లక్షలు ఖర్చు అయినట్లు సమాచారం.