హైదరాబాద్- తిరుమలగిరిలో దారుణం జరిగింది. గంజాయికి బానిసై కెవిన్ అనే యువకుడు సెరినిటీ ఫౌండేషన్ రీహబిలిటేషన్‌ సెంటర్‌లో అనుమానాస్పద స్థితిలో మృతి చెందాడు. కెవిన్ ఆత్మహత్యకు పాల్పడినట్లు తల్లిదండ్రులకు సమాచారం అందించారు. కెవిన్ జనవరి 26న ఆత్మహత్య చేసుకున్నాడాని సిబ్బంది చెబుతున్నారు. దీంతో కేసు నమోదు చేసిన పోలీసులు విచారణ చేస్తున్నారు.
TS: చున్నీతో ఉరేసుకుంటున్నానని భర్తకు ఫొటో పంపించి వివాహిత ఆత్మహత్యకు పాల్పడింది. నేపాల్‌కు చెందిన పూజ పరియార్, రాజన్ పరియార్ దంపతులు హైదరాబాద్‌లోని జూబ్లీహిల్స్‌లో నివాసముంటున్నారు. అయితే, టిక్‌టాక్ చేస్తుందని పూజను రాజన్ మందలించేవాడు. వేరే మహిళతో మాట్లాడుతన్నాడని రాజన్‌తో పూజ గొడవపడేది. ఈ క్రమంలో బాత్‌రూంలో ఉరేసుకుంటున్నట్లు రాజన్‌కు ఫొటో పంపించింది. సాయంత్రం రాజన్ ఫోన్ చూసుకోగా ఇంటికి వచ్చి చూసేసరికి విగతజీవిగా పడి ఉంది. ఫొటోలో ఉన్న చున్నీ, బయట ఉన్న చున్నీ వేర్వేరుగా ఉండటంతో రాజన్‌ని పోలీసులు అదుపులోకి తీసుకున్నారు.
ఓ వైద్యురాలిని పెళ్లి చేసుకుని.. వారం పాటు కలిసున్న తర్వాత మొహం చాటేసిన నిత్య పెళ్లికొడుకుపై కేసు నమోదైంది. హైదరాబాద్‌లోని కంటోన్మెంట్ ప్రాంతానికి చెందిన వంశీకృష్ణ(39) సాఫ్ట్‌వేర్ ఇంజినీర్‌గా పని చేస్తున్నాడు. అతడికి ఇప్పటికే రెండు పెళ్లిళ్లు అయి విడాకులు తీసుకున్నాడు. ఈ క్రమంలో నెల్లూరుకు చెందిన ఓ వితంతు వైద్యురాలిని మూడో పెళ్లి చేసుకున్నాడు. వారం పాటు ఇద్దరూ కలిసే ఉన్నారు. ఆ తర్వాత ఆమెను పట్టించుకోకపోవడంతో బోయిన్‌పల్లి పోలీసులకు ఫిర్యాదు చేసింది.
TS: దేశంలో వరుస సహజీవన హత్యలు కలకలం రేపతున్నాయి. తాజాగా హైదరాబాద్‌లో మరో ఘటన జరిగింది. సహజీవన భాగస్వామిపై అనుమానంతో పదునైన వస్తువుతో గొంతుకోసి చంపేశాడో వ్యక్తి. స్థానికుల సమాచారంతో పోలీసులు దర్యాప్తు చేపట్టగా నిందితుడు హరికృష్ణని ఫతేనగర్ రైల్వేస్టేషనులో అరెస్టు చేశారు. అనంతరం విచారణ చేయగా నేరాన్ని అంగీకరించాడు. నల్గొండకు చెందిన శారద(28)కు ఐదుగురు సంతానం. మూడేళ్ల కిందటే భర్తతో విడిపోయింది. అనంతరం మిర్యాలగూడకు చెందిన హరికృష్ణతో బాలానగర్‌లో సహజీవనం మొదలుపెట్టింది. ఈ క్రమంలో శారద ప్రవర్తనలో తేడా రావడంతో అనుమానం వచ్చి … Read more
TS: HYDలో అగ్నిప్రమాదానికి గురైన డెక్కన్ మాల్‌ని ఎట్టకేలకు కూల్చివేయడం ప్రారంభించారు. గురువారం అర్ధరాత్రి ఈ ప్రక్రియ ప్రారంభమైంది. అయితే, మళ్లీ లోపల మంటలు చెలరేగడంతో స్థానికుల్లో ఆందోళన మొదలైంది. దీంతో అగ్నిమాపక సిబ్బంది వచ్చి మంటల్ని ఆర్పేసింది. అనంతరం కూల్చివేత యథావిధిగా ప్రారంభమైంది. మాలిక్ ట్రేడ్స్ కూల్చివేత బాధ్యతల్ని తీసుకుంది. రూ.33 లక్షలకు టెండరు దక్కించుకుంది. కూల్చివేత సందర్భంగా పరిసర ప్రాంతాల వద్ద పోలీసులు బందోబస్తు నిర్వహించారు. స్థానికులకు ఎలాంటి ఇబ్బంది కలగబోదని మంత్రి తలసాని హామీ ఇచ్చారు.
రంజీ ట్రోఫీ చివరి గ్రూపు మ్యాచుల్లో ఆంధ్ర అదరగొట్టింది. అస్సాంపై 95 పరుగుల తేడాతో ఆంధ్ర జట్టు ఇన్నింగ్స్ విజయం సాధించింది. ఈ విజయంతో ‘ఎలైట్ గ్రూప్ బి’లో ఆంధ్ర తొలి స్థానానికి దూసుకెళ్లింది. 26 పాయింట్లతో తాత్కాలికంగా మొదటి స్థానంలో ఉంది. మరోవైపు, హైదరాబాద్ జట్టు ఓటమి అంచుల్లో ఉంది. ఉప్పల్ మైదానంలో దిల్లీతో జరుగుతున్న మ్యాచుపై ఆతిథ్య జట్టు పట్టు కోల్పోయింది. ప్రస్తుతం సెకండ్ ఇన్సింగ్స్‌లో హైదరాబాద్ 12 పరుగుల ఆధిక్యంలో ఉంది. చేతిలో 5 వికెట్లున్నాయి. శుక్రవారం టెస్టుకి చివరి … Read more
నేటి నుంచి హైదరాబాద్‌లో లిటరరీ ఫెస్టివల్ ప్రారంభం కానుంది. హైదరాబాద్‌లోని సెక్రటేరియట్ వద్ద ఉన్న విద్యారణ్య స్కూల్‌లో ఈ ఉత్సవాలు జరగనున్నాయి. జ్ణాన్‌పీఠ్ అవార్డు విన్నర్ దామోదర్ మౌజో ఈ ఫెస్టివల్ ప్రారంభిస్తారు. సినీ నటి, పెయింటర్ దీప్తి నావల్ ఈ వేడుకల్లో సందడి చేయనుంది. ఈ వేడుకల్లో సాహిత్యం, స్వేచ్ఛ-భిన్నాభిప్రాయాలపై చర్చ జరగనుంది. జాతీయ, అంతర్జాతీయ స్థాయిలో గుర్తింపు పొందిన చిత్రకారులు ప్రదర్శన ఏర్పాటు చేయనున్నారు. సాంస్కృతిక ప్రదర్శనలు ప్రదర్శించనున్నారు.
హనీమూన్‌కి వెళ్లిన వ్యక్తి అక్కడే మృతిచెందడంతో విషాదం నెలకొంది. హైదరాబాద్‌లోని నాగోల్‌లో ఉంటున్న సాఫ్ట్‌వేర్ ఉద్యోగి వంశీకృష్ణ(27)కు గతేడాది పెళ్లైంది. ఈ క్రమంలో ఇటీవల హనీమూన్ కోసమని మలేషియా వెళ్లారు. అనంతరం ఇండోనేషియాలోని బాలికి వచ్చారు. సముద్ర భూగర్భంలోకి వెళ్లి చేపలను చూసేందుకు వంశీకృష్ణ డైవ్ చేశాడు. ఈ క్రమంలో సముద్రంలో గల్లంతయ్యాడు. గుండెపోటు రావడం వల్లే ఇలా జరిగి ఉంటుందని డెత్ రిపోర్టులో తేలింది. కాగా, మృతదేహాన్ని తీసుకు రావడానికి బంధువులు బాలికి వెళ్లారు.
మహిళలకు సురక్షితమైన టాప్-10 మహానగరాల జాబితాలో తెలుగు రాష్ట్రాల నుంచి హైదరాబాద్, విశాఖపట్నం చోటు దక్కించుకున్నాయి. 62.47 పాయింట్లతో హైదరాబాద్ 3, 51.47 పాయింట్లతో విశాఖపట్నం 7వ స్థానాల్లో నిలిచాయి. తొలి స్థానంలో చెన్నై(78.41) నిలిచింది. 10లక్షల జనాభా పైబడిన 49 నగరాల్లో అవతార్ అనే సంస్థ సర్వే నిర్వహించింది. నేరాల సంఖ్య, మహిళా,శిశు అభివృద్ధి వార్షిక నివేదికలు, లివింగ్ ఇండెక్స్ వంటి అంశాలను ఆధారంగా చేసుకుని సర్వే చేపట్టింది. ఈ సర్వేలో దేశ రాజధాని దిల్లీకి 14వ స్థానం దక్కడం గమనార్హం.
హైదరాబాదీ వ్యాపారవేత్త సెర్బియా జైల్లో ఏడాదిగా మగ్గుతున్నాడు. ఫస్ట్ లాన్సర్‌కు చెందిన ఫిరోజ్ ఖాన్(44) కు పెళ్లై భార్యకు విడాకులు ఇచ్చాడు. ఈ క్రమంలో సెర్బియా వెళ్లి బెల్‌గ్రేడ్‌లో రెస్టారెంట్ ఏర్పాటు చేసుకున్నాడు. గతేడాది మార్చి 9న కొందరు ఆ రెస్టారెంట్‌లో గొడవ చేయడంతో ఫిరోజ్‌ను పోలీసులు అరెస్ట్ చేసి జైల్లో వేశారు. ఎందుకు జైలు శిక్ష విధించారో ఎవ్వరికీ తెలియదు. ఈ విషయం తెలుసుకున్న ఫిరోజ్ సోదరుడు భారత విదేశాంగశాఖకు లేఖ రాశాడు. తన తమ్ముడిని భారత్‌కు రప్పించాలని కోరాడు.
@2021 KTree