వరదలో కొట్టుకుపోయిన కార్లు

హిమాచల్‌ ప్రదేశ్‌, జమ్మూకశ్మీర్‌, ఉత్తరాఖండ్‌లను వరదలు ముంచెత్తుతున్నాయి. హిమాచల్‌లో భారీ వర్షాలకు అయిదుగురు మృతి చెందారు. మనాలీలో వరద ప్రవాహంలో పలు కార్లు కొట్టుకుపోయాయి. ఉత్తరాఖండ్‌లో ఓ కారు.. గంగా నదిలో పడిన ఘటనలో ముగ్గురు మృతి చెందారు. మరో ముగ్గురు గల్లంతయ్యారు. జమ్మూ-కశ్మీర్‌లోని దోడా ప్రాంతంలో బస్సుపై కొండచరియలు విరిగిపడి ఇద్దరు మృతి చెందారు. మరో రెండ్రోజులు భారీ వర్షాలు కురుస్తాయని వాతావరణ శాఖ హెచ్చరించింది.