అర్జెంటీనాలో ఫ్యాన్స్ హంగామా

ఫ్రాన్స్‌పై అర్జెంటీనా ఘన విజయం సాధించడంతో ఆ దేశంలో సంబరాలు అంబరాన్నంటాయి. రాజధాని బ్యూనోస్ ఐరీస్‌లో ఫ్యాన్స్ రోడ్లపైకి పెద్ద సంఖ్యలో తరలివచ్చి హంగామా చేశారు. వీధులన్నీ జనాలతో కిక్కిరిసిపోయాయి. కొందరు చొక్కాలు చింపేసి దేశ జెండాను ప్రదర్శిస్తూ ఆనందాన్ని పంచుకున్నారు. 36 ఏళ్ల తర్వాత మళ్లీ కల నెరవేరడంతో భావోద్వేగానికి గురయ్యారు. చిన్న పెద్దా తేడా లేకుండా వేడుకలు జరుపుకున్నారు. మెస్సీ తమ కలను సాకారం చేశాడని తెగ సంబరపడుతున్నారు.