GSLV F-12 ప్రయోగం సక్సెస్

ఇస్రో ప్రయోగించిన GSLV F-12 రాకెట్ ప్రయోగం సక్సెస్ అయింది. GSLVF–12 రాకెట్‌ ద్వారా 2,232 కిలోల బరువు కలిగిన నావిక్‌–01 ఉపగ్రహాన్ని నిర్దేశిత కక్ష్యలో ప్రవేశపెట్టారు. తాజా ప్రయోగం సక్సెస్‌తో స్వదేశీ నావిగేషన్ సిస్టం బలోపేతం కానుంది. ఈ ఉపగ్రహం పనితీరుతో భూ, జల, వాయు మార్గాల స్థితిగతులు, దిక్కులు తెలుసుకోవచ్చు. అత్యవసర సమయాల్లో భూమిపై నావిగేషన్ సమాచారం అందించడం, వాహనచోదకులకు దిశానిర్దేశం చేయడం, ఇంటర్నెట్‌తో అనుసంధానం లాంటి ఎన్నో సౌకర్యాలు అందుబాటులోకి వస్తాయి.