పట్టించుకోలేదని పామును తీసుకెళ్లాడు

HYD: ఓ వ్యక్తి వినూత్న రీతిలో నిరసన తెలిపి GHMC అధికారులకు షాకిచ్చాడు. పామును అధికారుల వద్దకు తీసుకువచ్చి ఆందోళన చేశాడు. ఆల్వాల్ కాలనీలో చెట్ల పొదలు విస్తృతంగా పెరిగిపోయాయి. దీంతో వరద వచ్చినప్పుడల్లా వాటి నుంచి పాములు ఇళ్లల్లోకి వస్తున్నాయని కాలనీ వాసులు అధికారులకు ఫిర్యాదు చేశారు. కానీ అధికారులు పట్టించుకోలేదు. దీంతో సంపత్ అనే వ్యక్తి తన ఇంట్లోకి వచ్చిన పామును తీసుకుని GHMC కార్యాలయానికి వెళ్లాడు. ఆఫీస్‌లో ఓ టేబుల్‌పై పామును విడిచిపెట్టి నిరసన తెలిపాడు.