సికింద్రాబాద్‌లో కొండచిలువ కలకలం

సికింద్రాబాద్‌లో భారీ కొండచిలువ కలకలం సృష్టించింది. రైల్ నిలయం వెనుకనున్న రైల్వే కాలనీ పార్కులో ఈ 14 అడుగుల పైథాన్ కంటపడింది. పారిశుద్ధ్య కార్మికులు చెత్త తొలగిస్తున్న క్రమంలో అక్కడ ఏవో కదలికలు కనిపించాయి. చెత్త తొలగించి చూడగా భారీ కొండచిలువ కనిపించడంతో వారు బిత్తరపోయారు. వెంటనే కార్మికులు స్నేక్ క్యాచర్‌కు సమాచారమిచ్చారు. వారు వచ్చి ఆ కొండచిలువను పట్టుకుని అక్కడి నుంచి తీసుకెళ్లారు. దీంతో స్థానికులు ఊపిరి పీల్చుకున్నారు.