లోకేశ్ పాదయాత్రలో స్వల్ప ఉద్రిక్తత

తెదేపా జాతీయ ప్రధాన కార్యదర్శి నారా లోకేశ్ చేపట్టిన [యువగళం](url) పాదయాత్రలో స్వల్ప ఉద్రిక్తత చోటు చేసుకుంది. లోకేశ్ ప్రచార రథాన్ని పోలీసులు సీజ్ చేశారు. చిత్తూరు జిల్లా పలమనేరు పట్టణంలోని క్లాక్ టవర్ కూడలిలో ప్రజలను ఉద్దేశించి లోకేశ్ ప్రసంగిస్తుండగా ఈ ఘటన జరిగింది. లోకేశ్ ఉపయోగిస్తున్న వాహనానికి అనుమతి లేదని సీజ్ చేసిన పోలీసులు.. స్టేషన్‌కు తరలించారు. దీంతో ఆగ్రహించిన తెదేపా నేతలు ఆందోళన చేపట్టారు. కాసేపటి తర్వాత పోలీసులు రథాన్ని విడిచిపెట్టారు.