రహదారులపై స్పెషల్‌ డ్రైవ్‌: జగన్‌

AP: రహదారుల మరమ్మతులకు స్పెషల్ డ్రైవ్‌ నిర్వహించాలని సీఎం జగన్ ఆదేశించారు. వర్షాకాలం ముగిసినందున నగరాలు, పట్టణాల్లో రహదారుల పనులపై దృష్టిసారించాలని అధికారులకు సూచించారు. ‘నగరాల్లో వివిధ దశల్లో ఉన్న పనులు త్వరగా పూర్తి చేయాలి. విశాఖలో రహదారుల విస్తరణ, ట్రాఫిక్‌ నిర్వహణపై శ్రద్ధ పెట్టాలి. విజయవాడలో అంబేడ్కర్‌ స్మృతివనం, రాజమహేంద్రవరంలో హేవ్‌లాక్‌ బ్రిడ్జి సుందరీకరణ, వరదల వల్ల నెల్లూరు మునిగిపోయే పరిస్థితులు రాకుండా రక్షణ గోడ నిర్మాణ పనులు వేగంగా చేపట్టాలి’ అని అన్నారు.