తెలంగాణ నూతన సచివాలయంలో భారీ అగ్ని ప్రమాదం చోటుచేసుకుంది. సచివాలయం గ్రౌండ్ ఫ్లోర్‌లో ఉన్న మెటీరీయల్‌కు మంటలు అంటుకుని ఈ అగ్ని ప్రమాదం సంభవించింది. దీంతో భవనం మొత్తం భారీగా పొగలు కమ్ముకున్నాయి.11 ఫైరింజన్లతో మంటలను అదుపు చేస్తున్నారు. వుడ్ వర్క్ జరుగుతున్న క్రమంలో మంటలు చెలరేగినట్లు అధికారులు భావిస్తు న్నారు.ఈ నెల 17న నూతన సచివాలయాన్ని సీఎం కేసీఆర్ ప్రారంభించనున్న సంగతి తెలిసిందే.
హైదరాబాద్‌ అప్పా జంక్షన్‌ ఔటర్ రింగ్‌ రోడ్డు వద్ద ఘోర ప్రమాదం జరిగింది. కంటైనర్‌ను కారు వెనుక నుంచి ఢీకొట్టడంతో ఇద్దరు మృతిచెందారు. మరొకరికి తీవ్ర గాయాలయ్యాయి. క్షతగాత్రుడిని సమీపంలోని ఆస్పత్రికి తరలించి చికిత్స అందిస్తున్నారు. రాజేంద్రనగర్‌ పోలీసులు ఘటనాస్థలికి చేరుకొని కారులో ఇరుక్కున్న మృతదేహాలను వెలికి తీశారు. మృతులు భార్యభర్తలని గుర్తించారు. ప్రమాద ఘటనలో ట్రాఫిక్‌ జామ్ అయ్యింది.
తిరుపతి జిల్లాలో జరిగిన ఘోర రోడ్డు ప్రమాదంలో మృతుల సంఖ్య ఐదుకు చేరింది. చంద్రగిరి మండలం కల్ రోడ్డుపల్లి వద్ద కల్వర్టును కారు ఢీకొట్టింది. ఈ ప్రమాదంలో నలుగురు అక్కడిక్కడే చనిపోయారు. మరికొందరికి గాయాలవ్వగా రుయా ఆస్పత్రికి తరలించారు. చికిత్స పొందుతూ ఒకరు మృతిచెందారు. వీరంతా మహారాష్ట్రకు చెందినవారిగా గుర్తించారు. తిరుమలలో స్వామివారి దర్శనం చేసుకొని కారులో కాణిపాకం వెళ్తుండగా ఘటన జరిగింది.
తిరుపతి జిల్లాలో జరిగిన ఘోర రోడ్డు ప్రమాదంలో మృతుల సంఖ్య ఐదుకు చేరింది. చంద్రగిరి మండలం కల్ రోడ్డుపల్లి వద్ద కల్వర్టును కారు ఢీకొట్టింది. ఈ ప్రమాదంలో నలుగురు అక్కడిక్కడే చనిపోయారు. మరికొందరికి గాయాలవ్వగా రుయా ఆస్పత్రికి తరలించారు. చికిత్స పొందుతూ ఒకరు మృతిచెందారు. వీరంతా మహారాష్ట్రకు చెందినవారిగా గుర్తించారు. తిరుమలలో స్వామివారి దర్శనం చేసుకొని కారులో కాణిపాకం వెళ్తుండగా ఘటన జరిగింది.
తమిళ్ హీరో విజయ్ ఆంటోనీ ఇటీవల ప్రమాదానికి గురైన సంగతి తెలిసిందే. ఈ ప్రమాదంలో అతడికి తీవ్ర గాయాలు అయ్యాయని, వెన్నుపూస విరిగిందని, పళ్లు రాలిపోయాయని, కోమాలోకి వెళ్లాడని ఇలా రకరకాలుగా ప్రచారం జరిగింది. కాగా వీటిపై విజయ్ ఆంటోనీ ఒక ఫొటోతో సమాధానమిచ్చాడు. తన దవడ, ముక్కుకు గాయాలయ్యాయని, ప్రస్తుతం కోలుకుంటున్నానని.. ఆయన థబ్స్ అప్ సింబల్ చూపిస్తున్న ఫొటోను ట్వీట్ చేశారు. దీంతో అతడి ఆరోగ్యంపై వస్తున్న వదంతులకు చెక్ పెట్టినట్లు అయింది. Courtesy Twitter: vijayantony Courtesy Twitter: vijayantony
భద్రాద్రి కొత్తగూడెం జిల్లాలో ఘోర రోడ్డు ప్రమాదం జరిగింది. కారు లారీ ఢీకొన్న ఘటనలో నలుగురు ప్రాణాలు కోల్పోయారు. మృతులను వెడ్డిగ్ ఫొటోగ్రాపర్లుగా గుర్తించారు. వీరు ఏపీలోని మోతెకు వెళ్తుండగా ఇల్లందు సమీపంలో ప్రమాదం జరిగింది. ఈ ప్రమాదంలో ముగ్గురు అక్కడికక్కడే మృతి చెందగా మరొకరు చికిత్స పొందుతూ ప్రాణాలు వదిలారు. ఘటన స్థలికి చేరుకున్న పోలీసులు క్షతగాత్రులను ఆస్పత్రికి తరలించారు.
కడప జిల్లాలో ఘోర రోడ్డు ప్రమాదం జరిగింది. చాపాడు వద్ద ఆగి ఉన్న లారీని టెంపో ఢీకొట్టింది. ఈ ఘటనలో ముగ్గురు మహిళలు మృతిచెందారు. మరో 8 మందికి తీవ్ర గాయాలయ్యాయి. క్షతగాత్రులను సమీపంలోని ఆస్పత్రికి తరలించి చికిత్స అందిస్తున్నారు. తిరుపతి నుంచి ప్రొద్దుటూరు వెళ్తుండగా ప్రమాదం జరిగింది. మృతులు అనూష, ఓబులమ్మ, రామలక్ష్మిగా గుర్తించారు. పోలీసులు ఘటనాస్థలానికి చేరుకొని పరిశీలించారు. నిద్రమత్తు వల్లే ప్రమాదం జరిగి ఉంటుందని అనుమానిస్తున్నారు.
రాయ్‌గఢ్‌లో ఘోర రహదారి ప్రమాదం చోటు చేసుకుంది. ముంబై జాతీయ రహదారిపై వ్యాన్, ట్రక్కు ఢీకొన్నాయి. ఈ ఘటనలో 9 మంది అక్కడికక్కడే మృతిచెందారు. మరో ఐదుగురు తీవ్రంగా గాయపడ్డారు. ఘటనా స్థలానికి చేరుకున్న పోలీసులు క్షతగాత్రులను చికిత్స నిమిత్తం ఆసుపత్రికి తరలించారు. ఈ ఘటన గురించి పూర్తి సమాచారం తెలియాల్సి ఉంది.
నేపాల్‌లో రన్‌వేపై విమానం కుప్పకూలిన ఘటనలో 72మంది మృతిచెందారు. ఈ మేరకు నేపాల్ ప్రభుత్వం ఓ ప్రకటన విడుదల చేసింది. ప్రమాద సమయంలో 68 మంది ప్రయాణికులు, నలుగురు సిబ్బంది ఉన్నట్లు అందులో తెలిపింది. విమానం కుప్పకూలడంతో 72 మంది ప్రాణాలు కోల్పోయారని, వారందరి మృతదేహాలు వెలికి తీసినట్లు ధ్రువీకరించింది. తొలుత 45 మంది డెడ్‌బాడీలను సహాయక సిబ్బంది బయటకు తీసింది. కాగా, మృతి చెందిన వారిలో భారతీయులు, విదేశీయులు ఉన్నట్లు సమాచారం. పొఖార ఎయిర్‌పోర్టులో ఈ ఘటన చోటు చేసుకుంది.
పండగ వేళ హైదరాబాద్‌-విజయవాడ రహదారిపై ప్రమాదం జరిగింది. రెండు ప్రైవేట్‌ ట్రావెల్స్‌ బస్సులు ఢీకొన్న ఘటనలో.. ప్రయాణికులు తీవ్రంగా గాయపడ్డారు. ఓవర్‌టేక్‌ చేసే క్రమంలోనే ప్రమాదం జరిగిందని, ఆ సమయంలో ప్రయాణికులు గాఢ నిద్రలో ఉన్నారని పోలీసులు వెల్లడించారు. పదహారు మందికి స్వల్ప గాయాలు కాగా, మరో నలుగురు ప్రయాణికులకు తీవ్ర గాయాలైనట్లు తెలుస్తోంది.
@2021 KTree