కేర్‌టేకర్‌కు 690 ఏళ్లు జైలు శిక్ష

చిన్నారులపై లైంగిక వేధింపుల కేసులో ఓ వ్యక్తికి 690 ఏళ్లు జైలు శిక్ష పడింది. నిందితుడు బేబీ కేర్‌టేకర్‌గా పనిచేస్తూ చిన్నారులపై లైంగిక దాడులకు పాల్పడ్డాడు. వారిని శారీరక వేధింపులకు గురిచేశాడు. ఈ విషయం బయటపడటంతో అతడికి న్యాయస్థానం 690 ఏళ్లు జైలు శిక్ష విధించింది. ఈ ఘటన అమెరికా దక్షిణ కాలిఫోర్నియాలో జరిగింది. మథ్యూ జక్ర్‌జేవ్‌స్కీ (34) బాలుర కేర్‌టేకర్‌గా వ్యవహరిస్తున్నాడు. ఈ క్రమంలో అతడు పిల్లల పట్ల అసభ్యకరంగా ప్రవర్తించాడు. ఎంతో మంది చిన్నారులను వేధించాడు.