మద్యం సేవిస్తూ అడ్డంగా బుక్కైన పోలీసులు

ఇద్దరు పోలీసులు యూనిఫాంలో ఉండి [మద్యం](url) సేవిస్తూ దొరికిపోయారు. ఈ ఘటన హైదరాబాద్‌లోని పంజాగుట్టలో చోటుచేసుకుంది. పెట్రోలింగ్ చేయాల్సిన పోలీసులు.. ఓ చోట కూర్చుని మద్యం సేవిస్తున్నారు. పోలీసు వాహనాన్ని అడ్డు పెట్టుకుని మరీ మద్యం తాగుతున్నారు. ఇందుకు సంబంధించిన వీడియో సోషల్ మీడియాలో వైరల్‌గా మారింది. ఈ వీడియో ఉన్నతాధికారులకు చేరడంతో వారిపై చర్యలకు ఉపక్రమించారు. కాగా పోలీసుల తీరుపై నెటిజన్లు విరుచుకుపడుతున్నారు.