పార్టీ మారే ప్రసక్తే లేదు: డీకే అరుణ

TG: త్వరలో పార్టీ మారుతున్నట్లు జరుగుతున్న ప్రచారాన్ని భాజపా నేత డీకే అరుణ ఖండించారు. కాంగ్రెస్‌ పార్టీలో చేరే ప్రసక్తే లేదని ఆమె స్పష్టం చేశారు. కాంగ్రెస్‌ నేతలు మైండ్‌ గేమ్ ఆడుతున్నారని మండిపడ్డారు. భాజపా అదిష్ఠానం తనను గుర్తించి జాతీయ ఉపాధ్యక్ష పదవి ఇచ్చిందని ఆమె గుర్తు చేశారు. ప్రధాన మంత్రి నరేంద్ర నాయకత్వంలో పని చేసేందుకు అదృష్టం ఉండాలని డీకే అరుణ అభిప్రాయపడ్డారు. కాగా, భాజపా నేతలు పెద్ద ఎత్తున కాంగ్రెస్‌లో చేరనున్నట్లు గత కొన్ని రోజులుగా ప్రచారం జరుగుతోంది.