TS: మంత్రికి తప్పిన ప్రమాదం

తెలంగాణ పౌరసరఫరాలశాఖ మంత్రి గంగుల కమలాకర్‌కు ప్రమాదం తప్పింది. తెలంగాణ ‘చెరువుల పండుగ’ సందర్భంగా కమలాకర్ కరీంనగర్ జిల్లాలోని ఆసిఫ్ నగర్‌లోని ఓ చెరువు సందర్శనకు వెళ్లారు. చెరువులో ఆయన పడవపై ప్రయాణిస్తుండగా అది బోల్తా పడింది. దీంతో కమలాకర్ నీటిలో పడిపోయారు. వెంటనే భద్రతా సిబ్బంది స్పందించి ఆయనను సురక్షితంగా బయటికి తీసుకువచ్చారు. ఈ ప్రమాదంలో మంత్రి సురక్షితంగా బయటపడడంతో అందరూ ఊపిరి పీల్చుకున్నారు.