24 గంటల్లో 50 మంది మృతి

హిమాచల్ ప్రదేశ్ ను భారీ వర్షాలు అతలాకుతలం చేస్తున్నాయి. నిరంతర వర్షాల కారణంగా గత 24 గంటల్లో 50 మందికి పైగా ప్రాణాలు కోల్పోయారని ఆ రాష్ట్ర సీఎం సుఖ్విందర్ సింగ్ సుఖు తెలిపారు. శిథిలాల కింద 20 మందికి పైగా చిక్కుకుపోయి ఉంటారని ఆందోళన వ్యక్తం చేశారు. ఈ దురదృష్టకర పరిస్థితుల్లో స్వాతంత్ర దినోత్సవ వేడుకలు జరుపుకోవడం లేదని సీఎం అన్నారు. రాష్ట్రపతి, కేంద్ర హోంమంత్రి, కాంగ్రెస్‌ – భాజపా అధ్యక్షులు తమ ప్రభుత్వానికి సాయం చేయాలని కోరారు.