HYD: కేరళ గ్యాంగ్ హల్‌చల్

హైదరాబాద్‌లో కేరళ గ్యాంగ్‌లు హల్‌చల్ చేస్తున్నాయి. నగరంలోని పలు ఏటీఎంలలో డబ్బులు డ్రా చేస్తున్న వ్యక్తులపై దాడి చేసి నగదుతో ఉడాయిస్తున్నారు. తాజాగా ఇలాంటి నేరాలకు పాల్పడ్డ నలుగురు నిందితులను దోమలగూడ పోలీసులు అరెస్ట్ చేశారు. ఇటీవల హిమాయత్ నగర్‌లోని ఓ ఏటీఎంలో నగదు డ్రా చేస్తున్న యువకుడిపై కేరళ గ్యాంగ్ దాడి చేసింది. పెప్పర్ స్ప్రే చల్లి అతడు డ్రా చేసిన డబ్బులు లాక్కొని పారిపోయారు. బాధితుడి ఫిర్యాదుతో పోలీసులు నిందితులను అరెస్ట్ చేశారు.