తెలంగాణ కాంగ్రెస్‌లో భారీ చేరికలు

తెలంగాణ కాంగ్రెస్‌లో భారీ చేరికలు చోటుచేసుకున్నాయి. మాజీ ఎమ్మెల్యేలు కోమటిరెడ్డి రాజగోపాల్ రెడ్డి, ఏనుగు రవీందర్ రెడ్డి, మాజీ ఎమ్మెల్సీలు సంతోష్‌ కుమార్, నేతి విద్యాసాగర్, ఆకుల లలిత, కపిలవాయి దిలీప్ కుమార్, మోత్కుపల్లి నర్సింహులు, నీలం మధు ముదిరాజ్ కాంగ్రెస్‌ పార్టీలో చేరారు. ఢిల్లీలో కాంగ్రెస్‌ చీఫ్‌ మల్లిఖార్జున ఖర్గే సమక్షంలో పార్టీ కండువా కప్పుకున్నారు. పటాన్‌చెరు నుంచి భారాస తరపున టికెట్‌ ఆశించిన నీలం మధు.. అది దక్కకపోవడంతో కాంగ్రెస్‌లో చేరారు.