నారా లోకేశ్‌పై కోడిగుడ్లతో దాడి!

ఏపీ మాజీ మంత్రి నారా లోకేశ్‌పై గుర్తు తెలియని వ్యక్తులు కోడిగుడ్లతో దాడి చేశారు. ఈ ఘటన ఏపీలోని ప్రొద్దుటూరులో జరిగింది. ప్రొద్దుటూరులో బహిరంగ సభ అనంతరం మైదుకూరు రోడ్డుమార్గంలో లోకేశ్ యువగళం పాదయాత్ర సాగించారు. ఈ క్రమంలో ఓ వ్యక్తి లోకేశ్‌పై కోడిగుడ్డు విసరగా భద్రతా సిబ్బందికి తగిలింది. కోడిగుడ్డు విసిరిన వ్యక్తిని టీడీపీ కార్యకర్తలు పట్టుకుని దేహశుద్ధి చేశారు. అనంతరం పోలీసులకు అప్పగించారు. కాగా ఈ ఘటనపై లోకేశ్ అక్కడే కూర్చుని నిరసనకు దిగారు.