రేవంత్‌ తెలంగాణ వ్యతిరేకి: హరీష్‌రావు

టీపీసీసీ చీఫ్‌ రేవంత్‌ రెడ్డిపై మంత్రి హరీష్‌రావు తీవ్ర విమర్శలు చేశారు. రేవంత్‌ రెడ్డి తెలంగాణ వ్యతిరేకని ఆరోపించారు. ఉద్యమ సమయంలో ప్రజలు తెలంగాణకు మద్ధతు ఇస్తే రేవంత్ తుపాకీ పట్టుకుని బయటికొచ్చి బెదిరించాడన్నారు. తెలంగాణ కోసం రాజీనామా చేయమంటే చేయకుండా రేవంత్‌ రెడ్డి పదవిని పట్టుకుని పాకులాడిండని ఎద్దేవా చేశారు. తెలంగాణ వ్యతిరేకులంతా ఇప్పుడు ఒక్కటవుతున్నారన్నారు. ఇలాంటి తెలంగాణ ద్రోహులకు ఎన్నికల్లో ప్రజలే బుద్ధి చెప్పాలని మంత్రి పిలుపునిచ్చారు.