మహారాష్ట్రలోని ముంబైలో దారుణం జరిగింది. ఎన్ఎం మార్గ్ పోలీస్ స్టేషన్ పరిధిలో పదిహేనేళ్ల బాలికపై సామూహిక అత్యాచారానికి పాల్పడ్డారు. ఈ నెల 22న అర్ధరాత్రి ఓ బాలికపై అఘాయిత్యం జరిగినట్లు పోలీసులు గుర్తించారు. ఈ ఘటనతో సంబంధమున్న ఆరుగురు నిందితులను పోలీసులు అరెస్టు చేశారు. వీరిలో ముగ్గురు మైనర్లు ఉండటం గమనార్హం. నిందితులపై పొక్సో చట్టం కింద కేసులు నమోదు చేశారు. బాలిక, నిందితులంతా ఒకే ప్రాంతానికి చెందిన వారని పోలీసులు వెల్లడించారు. బాధితురాలిని బాలల గృహానికి పంపించారు. ఘటనపై పోలీసులు విచారణ చేపడుతున్నారు.