పేటీఎం రూపే క్రెడిట్ కార్డును మార్కెట్లో విడుదల చేసింది. ఎన్‌పీసీఐ భాగస్వామ్యంతో పేటీఎం ఈ కార్డును అందుబాటులోకి తీసుకువచ్చింది. క్రెడిట్ కార్డును యూపీఐ ఐడీకీ లింక్ చేసుకుని చెల్లింపులు చేయవచ్చు. ఆన్‌లైన్, ఆఫ్‌లైన్ చెల్లింపులు రెండూ వేగంగా చేసుకోవచ్చు. కార్డు వెంట లేకున్నా సరే క్యూఆర్ కోడ్, యూపీఐ ద్వారా చెల్లింపులు చేసుకునే వీలుంది. ఈ క్రెడిట్ కార్డు వల్ల ఎన్నో ప్రయోజనాలు ఉన్నాయి. కార్డు మరిచిపోయి వెళ్లినా స్మార్ట్ ఫోన్‌తో షాపింగ్ చేయవచ్చు.
మూడో స్పిన్నర్‌గా కుల్దీప్ యాదవ్ జట్టులో ఉండాల్సిందేనని భారత మాజీ కోచ్ రవిశాస్త్రి అభిప్రాయపడ్డాడు. రేపటి నుంచి బోర్డర్-గావస్కర్ ట్రోఫీ జరగనున్న సందర్భంగా రవిశాస్త్రి ఈ వ్యాఖ్యలు చేశారు. ‘‘భారత జట్టులో అక్షర్ పటేల్, కుల్దీప్ యాదవ్ మధ్య పోటీ ఖచ్చితంగా పోటీ ఉంటుంది. అక్షర్‌కు బదులు కుల్దీప్‌ను జట్టులోకి తీసుకోవాలి. కుల్దీప్ తొలి రోజు నుంచే బంతిని సుడులు తిప్పగలడు. నేనైతే కుల్దీప్‌నే ఎంచుకుంటా. అక్షర్ స్థానంలో కుల్దీప్ తుది జట్టులో ఉండాలి.’’ అంటూ శాస్త్రి పేర్కొన్నాడు.
ప్రముఖ షావోమీ సబ్ బ్రాండ్ పోకో నుంచి పోకో X5 PRO 5G స్మార్ట్ ఫోన్ మార్కెట్లోకి విడుదలైంది. 108 పిక్సెల్ కెమెరాతో వస్తోన్న ఈ మొబైల్ రెండు వేరియంట్లలో అందుబాటులో ఉంటుంది. 6జీబీ+128 జీబీ వేరియంట్ ధర రూ.22,999గా, 8జీబీ+256 జీబీ వేరియంట్ ధర రూ.24,999గా నిర్ణయించింది. బ్లాక్, యెల్లో, స్కైబ్లూ కలర్స్‌లో ఈ ఫోన్ లభ్యమవుతుంది. ఈ నెల 13 నుంచి ఫ్లిప్‌కార్ట్‌లో ఈ ఫోన్ విక్రయాలు ప్రారంభమవుతాయి. ఫ్లిప్‌కార్ట్‌లో ఐసీఐసీఐ బ్యాంక్ కార్డుపై రూ.2 వేల డిస్కౌంట్ కూడా పొందవచ్చు.
బోర్డర-గావస్కర్ సీరీస్ ఫలితాన్ని భారత స్పిన్నర్ రవిచంద్రన్ అశ్విన్ శాసించగలడని భారత మాజీ కోచ్ రవిశాస్త్రి అన్నాడు. అతడు చెలరేగితే భారత్ విజయం సాధిస్తుందని పేర్కొన్నాడు. అశ్విన్ ఇప్పటికే విదేశాల్లో నెంబర్‌వన్ స్పిన్నర్‌గా నిరూపించుకున్నాడని.. అలాగే స్వదేశంలోనూ నెంబర్‌వన్ బౌలరని చెప్పాడు. బంతి టర్న్ అయితే అశ్విన్‌ను ఎవరూ ఆపలేరని అభిప్రాయపడ్డాడు. ఇక జట్టులో మూడో స్పిన్నర్‌గా చైనామన్ కుల్దీప్ యాదవ్‌ను తీసుకోవాలని పేర్కొన్నాడు.
ఆంధ్ర ఆటగాడు కేఎస్ భరత్ ఆస్ట్రేలియాతో జరిగే తొలి టెస్టుతో ఆరంగేట్రం చేయనున్నట్లు ఖాయంగా కనిపిస్తోంది. రెగ్యూలర్ వికెట్ కీపర్ రిషభ్ పంత్ ఆసీస్‌తో టెస్ట్ సీరీస్‌కు దూరమైన సంగతి తెలిసిందే. అతడి స్థానంలో భరత్ ఎంట్రీ ఇచ్చే అవకాశాలు ఉన్నాయి. ఇటీవల కాలంలో జట్టుకు ఎంపికవుతున్నా తుది జట్టులోకి మాత్రం భరత్ ఎంట్రీ ఇవ్వలేకపోతున్నాడు. ప్రస్తుతం భరత్‌కు అవకాశం ఇవ్వాలని బీసీసీఐ యాజమాన్యం భావిస్తున్నట్లు తెలుస్తోంది.
మీరు గోల్డ్ లోన్ తీసుకోవాలని అనుకుంటున్నారా? అలాంటి వారికోసం కొన్ని బ్యాంకులు అతి తక్కువ వడ్డీకే రుణాలు అందిస్తున్నాయి. గోల్డ్ లోన్స్‌పై యూనియన్ బ్యాంక్‌లో 8.4 శాతం, సెంట్రల్ బ్యాంక్ ఆఫ్ ఇండియాలో 8.45, ఎస్‌బీఐలో 8.55, పంజాబ్ అండ్ సింధ్ బ్యాంక్‌లో 8.60, ఫెడరల్ బ్యాంక్‌లో 8.64, యూకో బ్యాంక్‌లో 8.65, బ్యాంక్ ఆఫ్ బరోడాలో 8.85, పీఎన్‌బీలో 9.0, బ్యాంక్ ఆఫ్ ఇండియాలో 9.45, ఐసీఐసీఐలో 11.0, సౌత్ ఇండియన్ బ్యాంక్‌లో 14.55, యాక్సిస్ బ్యాంక్‌లో 17.0 శాతం వడ్డీ పడుతుంది.
ఈఎంఐలో స్మార్ట్ టీవీ కొనాలనుకునేవారికి గుడ్‌న్యూస్. ప్రస్తుతం ప్రముఖ ఈ కామర్స్ దిగ్గజం ఫ్లిప్‌కార్ట్‌లో ‘బిగ్ బచత్ సేల్’ నడుస్తోంది. ఈ సేల్‌లో ప్రముఖ బ్యాంకులు నో కాస్ట్ ఈఎంఐ సౌకర్యం కల్పిస్తున్నాయి. ఎస్బీఐ, హెచ్‌డీఎఫ్‌సీ బ్యాంకులు నో కాస్ట్ ఈఎంఐ అందిస్తున్నాయి. 6 నెలల్లోగా నెలకు రూ.1,584 కడితే నో కాస్ట్ ఈఎంఐ వర్తిస్తుంది. ఫ్లిప్‌కార్ట్ పేలేటర్ ద్వారా కూడా ఈఎంఐలో టీవీ కొనొచ్చు. ఐఫాల్కన్ 32 ఇంచుల టీవీ రూ.26,990గా ఉండగా ప్రస్తుతం రూ.9 వేలకే సొంతం చేసుకోవచ్చు.
కేంద్ర బడ్జెట్‌లో ఎలాంటి ప్రతికూలతలు లేకపోవడంతో స్టాక్ మార్కెట్లు లాభాల్లో దూసుకెళ్తున్నాయి. ఎన్ఎస్ఈ నిఫ్టీ 300 పాయింట్లు ఎగబాకి 17,965 పాయింట్ల ఎగువన ట్రేడింగ్ జరుగుతోంది. బీఎస్ఈ సెన్సెక్స్ ఏకంగా 1,200 పాయింట్లు లాభపడి 60,750 పాయింట్ల వద్ద కొనసాగుతోంది. పవర్ గ్రిడ్, ఐటీసీ, యాక్సిస్ బ్యాంక్, ఎల్అండ్‌టీ, గెయిల్ షేర్లు లాభాల బాటలో పయనిస్తున్నాయి. అతి కొద్ది కంపెనీల షేర్లు మాత్రమే నష్టాల్లో ట్రేడ్ అవుతున్నాయి.
మూడు టీ20ల సీరీస్‌లో భాగంగా నేడు న్యూజిలాండ్‌తో భారత్ చివరి మ్యాచ్ ఆడనుంది. అహ్మదాబాద్‌లో రాత్రి 7 గంటలకు మ్యాచ్ ప్రారంభం కానుంది. ఇప్పటికే ఇరు జట్లు చెరో మ్యాచ్ గెలిచి 1-1తో సమంగా ఉన్నాయి. దీంతో ఆఖరి మ్యాచ్‌లో గెలిచి సీరీస్ కొట్టేయాలని ఇరు జట్లూ భావిస్తున్నాయి. పృథ్వీ షాకు చివరి మ్యాచ్‌లోనైనా చోటు కల్పించే అవకాశాలు కనిపించడం లేదు. ఉమ్రాన్ మాలిక్ జట్టులోకి వచ్చే ఆస్కారం ఉంది. మరోవైపు సీరీస్ గెలిచి చరిత్ర సృష్టించాలని కివీస్ పట్టుదలతో ఉంది.
ఇండియన్ స్టార్ పేసర్ జస్ప్రిత్ బుమ్రాపై పాక్ మాజీ ఆల్‌రౌండర్ అబ్దుల్ రజాక్ కీలక వ్యాఖ్యలు చేశాడు. పాక్ పేసర్ షాహీన్ ఆఫ్రిదికి బుమ్రా దరిదాపుల్లోకి కూడా రాబోడని వ్యాఖ్యానించాడు. షాహీన్ ఆఫ్రిది అత్యుత్తమమని పేర్కొన్నాడు. గణాంకాల పరంగా ఇద్దరు ప్లేయర్లు దాదాపు సమానంగా ఉన్నప్పటికీ రజాక్ ఈ కామెంట్స్ చేయడం ప్రాధాన్యం సంతరించుకుంది. వెన్ను గాయంతో గతేడాది సెప్టెంబరు నుంచి బుమ్రా క్రికెట్ ఆడట్లేదు. ఆసీస్‌తో జరగనున్న 4టెస్టుల సిరీస్‌లో చివరి రెండు మ్యాచులకు బుమ్రా అందుబాటులోకి వచ్చే ఛాన్స్ ఉంది.
@2021 KTree